എംഎല്‍എമാരുടെ വിലയില്‍ കഴിഞ്ഞ 25 വര്‍ഷം കൊണ്ട് വന്‍ കുതിച്ചുകയറ്റം!!!!!

ബംഗളൂരു: മൂന്നുദശകത്തിനിടെ കര്‍ണാടകത്തില്‍ എംഎല്‍എമാരുടെ 'കൂറുമാറ്റ വിലനിലവാര'ത്തിലുണ്ടായത് വന്‍ കുതിച്ചുകയറ്റം. 26 വര്‍ഷം മുമ്പ് സംസ്ഥാനത്തെ ആദ്യ രാഷ്ട്രീയ കൂറുമാറ്റത്തില്‍ഒരു എംഎല്‍എയ്ക്ക് ലഭിച്ച പ്രതിഫലം രണ്ടുലക്ഷം രൂപയായിരുന്നു. ഇപ്പോള്‍ ജെഡിഎസ് പുറത്തുവിട്ട ബിജെപിയുടെ കുതിരക്കച്ചവട സിഡിയിലെ ദൃശ്യങ്ങള്‍ വിശ്വസിക്കാമെങ്കില്‍ മറുകണ്ടം ചാടുന്ന എംഎല്‍എയ്ക്ക് ലഭിക്കുന്നത് 25 കോടി രൂപയാണ്.

രാഷ്ട്രീയകൂറുമാറ്റത്തിന് പണമൊഴുക്കിയതായി കര്‍ണാടകത്തില്‍ ആദ്യം ആക്ഷേപമുയര്‍ന്നത് 1984ലാണ്. അന്ന് കോലാറിലെ വെമ്മഗലില്‍നിന്നുള്ള എംഎല്‍എ സി ബൈറെ ഗൌഡയാണ് ആക്ഷേപം ഉന്നയിച്ചത്. പ്രതിസ്ഥാനത്ത് ഇപ്പോഴത്തെ കേന്ദ്ര നിയമമന്ത്രിയും അന്നത്തെ പ്രതിപക്ഷനേതാവുമായിരുന്ന എം വീരപ്പമൊയ്ലി. രാമകൃഷ്ണ ഹെഗ്ഡെയുടെ ജനത സര്‍ക്കാരിനെ വീഴ്ത്താന്‍ കൂറുമാറി കോണ്‍ഗ്രസ് പാളയത്തിലെത്താന്‍ മൊയ്ലി രണ്ടുലക്ഷം രൂപ വാഗ്ദാനം ചെയ്തെന്ന ആരോപണം അന്ന് കര്‍ണാടകരാഷ്ട്രീയത്തെ പിടിച്ചുകുലുക്കി. ഈ സംഭവത്തിനും ഒരു വര്‍ഷം കഴിഞ്ഞാണ് കുറുമാറ്റനിരോധനനിയമം രാജ്യത്ത് പ്രാബല്യത്തില്‍ വരുന്നത്. ആരോപണം തെളിയിക്കാന്‍ മൊയ്ലിയുമായി നടത്തിയ സംഭാഷണത്തിന്റെ ഓഡിയോടേപ്പും ബൈറെ ഗൌഡ പുറത്തുവിട്ടു. എന്നാല്‍, ഇലക്ട്രോണിക് തെളിവുകളുടെ ആധികാരികതയില്‍ സംശയം ഉന്നയിച്ച് സംഭവത്തെ കുറിച്ച് അന്വേഷിച്ച എന്‍ ഡി വെങ്കിടേഷ് കമീഷന്‍ മൊയ്ലിയെ കുറ്റവിമുക്തനാക്കി.

ബിജെപി എംഎല്‍എ സുരേഷ് ഗൌഡ ജെഡിഎസ് എംഎല്‍എ എസ് ആര്‍ ശ്രീനിവാസന് 25 കോടി രൂപയും മന്ത്രിസ്ഥാനവും വാഗ്ദാനംചെയ്യുന്നതിന്റെ ദൃശ്യമാണ് കഴിഞ്ഞദിവസം ജെഡിഎസ് നേതാവ് എച്ച് ഡി കുമാരസ്വാമി പുറത്തുവിട്ടത്. കര്‍ണാടകത്തിലെ മുന്‍ പിസിസി അധ്യക്ഷന്‍ വി എസ് കൌജാലജി കരാറുകാരിനില്‍നിന്ന് കോടികള്‍ കൈപ്പറ്റുന്ന ദൃശ്യങ്ങള്‍ പുറത്തുവന്നത് 2001ല്‍ ഏറെ കോളിളക്കം സൃഷ്ടിച്ചു. ജെഡിഎസാണ് സിഡി പുറത്തുവിട്ടത്. കൌജാലജിയുടെ രാഷ്ട്രീയഭാവിക്ക് തിരിച്ചടിയേറ്റെന്നല്ലാതെ അഴിമതിക്കേസ് എങ്ങുമെത്തിയില്ല.

ജെഡിഎസ് നേതാവും മുന്‍ മന്ത്രിയുമായ സി ചെന്നിഗപ്പ സ്യൂട്ട്കേസുകളുമായി ഹെലികോപ്റ്ററില്‍ കയറുന്ന ദൃശ്യങ്ങളടങ്ങിയ സിഡി ബെല്ലാരിയിലെ ഖനനമാഫിയ തലവനും മന്ത്രിയുമായ ജനാര്‍ദനറെഡ്ഡി 2006ല്‍ പുറത്തുവിട്ടു. ദൃശ്യങ്ങള്‍ വൃക്തമായില്ലെങ്കിലും ഈ കേസ് ഇപ്പോള്‍ കോടതിയുടെ പരിഗണനയിലാണ്. ബിജെപി മന്ത്രി ഹര്‍ത്താലു ഹാലപ്പയ്ക്ക് മന്ത്രിസ്ഥാനം നഷ്ടമായതും സുഹൃത്തിന്റെ ഭാര്യയുമൊത്തുള്ള മൊബൈല്‍ ദൃശ്യങ്ങള്‍ പുറത്തുവന്നതോടെയാണ്. മന്ത്രിസ്ഥാനം നഷ്ടപ്പെട്ടെങ്കിലും കേസില്‍ ഇപ്പോള്‍ പരാതിക്കാര്‍ പ്രതിയായ അവസ്ഥയാണ്. പെവാണിഭസ്വാമി നിത്യാനന്ദയും സിഡി ദൃശ്യങ്ങളില്‍ കുരുങ്ങിയെങ്കിലും കേസ് എങ്ങും എത്തിക്കാനാകാതെ അന്വേഷണ ഉദ്യോഗസ്ഥര്‍ നെട്ടോട്ടത്തിലാണ്. നിത്യാനന്ദനെതിരെ സാക്ഷിമൊഴി നല്‍കാന്‍ ആളില്ലെന്നതാണ് പൊലീസിനെ അലട്ടുന്നത്.

ദേശാഭിമാനി 241010

സ്ത്രീസമത്വം ഇപ്പോഴും അകലെയെന്ന് ഐക്യരാഷ്ട്രസഭ

ജനീവ: പുരുഷനോടൊപ്പം എല്ലാ മേഖലകളിലും സമത്വം കൈവരിക്കണമെന്ന സ്ത്രീകളുടെ ആഗ്രഹം ഇപ്പോഴും ഒരു സ്വപ്നം മാത്രമായി അവശേഷിക്കുകയാണെന്ന് ഐക്യരാഷ്ട്രസഭ വിലയിരുത്തി. '2010 ലെ ലോകവനിതകള്‍' എന്ന തലക്കെട്ടില്‍ പുറത്തിറക്കിയ റിപ്പോര്‍ട്ടിലാണ് ഐക്യരാഷ്ട്രസഭ ഇക്കാര്യം ചൂണ്ടിക്കാട്ടിയിരിക്കുന്നത്. ലോകത്താകമാനമുളള ജനസംഖ്യയില്‍ സ്ത്രീകളേക്കാള്‍ 57 ദശലക്ഷം പുരുഷന്‍മാര്‍ അധികമാണെന്നും റിപ്പോര്‍ട്ടില്‍ ചൂണ്ടിക്കാട്ടുന്നു. അതോടൊപ്പം തന്നെ പ്രാഥമിക വിദ്യാഭ്യാസസ്ഥാപനങ്ങളില്‍ പഠനത്തിനായി ചേരുന്ന പെണ്‍കുട്ടികളുടെ എണ്ണം 86 ശതമാനമായി വര്‍ധിച്ചിട്ടുണ്ടെന്നും പഠനം വെളിപ്പെടുത്തുന്നു. 1999 ല്‍ ഇത് 79 ശതമാനം മാത്രമായിരുന്നു. 52 ശതമാനത്തോളം സ്ത്രീകള്‍ ജോലി ചെയ്തു ജീവിക്കുന്നു. ഇക്കാര്യത്തില്‍ പുരുഷന്‍മാരുടെ അനുപാതം 77 ആണ്.
എന്നാല്‍ നിയമ പരിരക്ഷയുണ്ടെങ്കിലും ഒട്ടേറെ സ്ത്രീകള്‍ക്ക് പ്രസവാവധി പോലും ലഭിക്കാതെ ജോലിയില്‍ നിന്ന് പുറത്താകുന്നതായി റിപ്പോര്‍ട്ടില്‍ ചൂണ്ടിക്കാട്ടുന്നു. സര്‍ക്കാര്‍ സ്ഥാപനങ്ങളിലും സ്വകാര്യസ്ഥാപനങ്ങളിലും സുപ്രധാന സ്ഥാനങ്ങളില്‍ നിന്നും സ്ത്രീകളെ ഇപ്പോഴും ഒഴിവാക്കി നിര്‍ത്തുന്നതായും ഐക്യരാഷ്ട്രസഭ വിലയിരുത്തി. ലോകത്തെ പ്രധാനപ്പെട്ട അഞ്ഞൂറു കോര്‍പ്പറേഷനുകളില്‍ 13 എണ്ണത്തില്‍ മാത്രമാണ് സ്ത്രീകള്‍ ചീഫ് എക്‌സിക്യുട്ടീവ് ഓഫീസര്‍ പദവിയിലുളളത്. പുരുഷന്‍മാരുടേതിനെക്കാള്‍ കൂടുതല്‍ ആയുര്‍നിരക്ക് സ്ത്രീകള്‍ക്കാണെന്നും റിപ്പോര്‍ട്ടില്‍ ചൂണ്ടിക്കാണിക്കുന്നു. സ്ത്രീ പുരുഷ സമത്വവുമായി ബന്ധപ്പെട്ട് ബെയ്ജിംഗില്‍ കൂടിയ സമ്മേളനം 15 വര്‍ഷം പിന്നിട്ട വേളയിലാണ് റിപ്പോര്‍ട്ട് പുറത്തു വരുന്നതെന്ന് ഐക്യരാഷ്ട്രസഭാ സെക്രട്ടറി ജനറല്‍ ബാന്‍ കി മൂണ്‍ അഭിപ്രായപ്പെട്ടു. അന്ന് സമ്മളനത്തില്‍ പങ്കെടുത്ത 189 രാജ്യങ്ങള്‍ സ്ത്രീ പുരുഷസമത്വത്തിനായി പ്രവര്‍ത്തിക്കുമെന്ന് പ്രതിജ്ഞയെടുത്തിരുന്നു. ലിംഗഭേദവും സ്ത്രീകള്‍ക്കെതിരെയുളള അതിക്രമവും വര്‍ധിച്ചുവരികയാണെന്ന്  ബാന്‍ കി മൂണ്‍ അഭിപ്രായപ്പെട്ടു.

സ്ത്രീകളുടെ വിവാഹപ്രായം വര്‍ധിച്ചുവരികയാണെന്നും റിപ്പോര്‍ട്ടില്‍ വിലയിരുത്തപ്പെടുന്നു. യൂറോപ്യന്‍ രാജ്യങ്ങളില്‍ സ്ത്രീകളുടെ ശരാശരി വിവാഹ പ്രായം 30 ആയി വര്‍ധിച്ചിരിക്കുന്നു. എന്നാല്‍ അവികസിത ആഫ്രിക്കന്‍ രാജ്യങ്ങളായ മാലി, നിഗര്‍ ഉള്‍പ്പെടെയുളള പ്രദേശങ്ങളില്‍ വിവാഹപ്രായം ഇപ്പോഴും 20 ല്‍ താഴെയാണ്. നിഗറില്‍ കൂടുതല്‍ വിവാഹങ്ങളും 15 വയസിനും താഴെയാണ്. മിക്കവാറും എല്ലാ പ്രദേശങ്ങളിലും 60 വയസിനുമേല്‍ പ്രായമുളളവരില്‍ 50 ശതമാനത്തില്‍ കൂടുതല്‍ സ്ത്രീകളാണ്. തെക്കന്‍ ആഫ്രിക്കയില്‍ ഇത് 59 ശതമാനവും കിഴക്കന്‍ യൂറോപ്പില്‍ 63 ശതമാനവുമാണ് 60 നുമേല്‍ പ്രായമുളള സ്ത്രീകള്‍.
പ്രാഥമിക വിദ്യാഭ്യാസരംഗം മുതല്‍ ഉന്നത വിദ്യാഭ്യാസരംഗം വരെയുളള മേഖലകളില്‍ സ്ത്രീകളുടെ എണ്ണം വര്‍ധിച്ചുവരികയാണെന്ന് റിപ്പോര്‍ട്ടില്‍ ചൂണ്ടിക്കാണിക്കുന്നു.

janayugom news

കുതിച്ചു കയറുന്ന സിമന്റ്‌ വില: ബില്‍ഡര്‍മാര്‍ പാക്കിസ്ഥാനില്‍നിന്ന് സിമന്റ് ഇറക്കുമതി ചെയ്യുന്നു

ആഭ്യന്തരവിപണിയില്‍ സിമന്റ് വിലയിലുണ്ടായ കുതിച്ചുകയറ്റം മറികടക്കാന്‍ തമിഴ്‌നാട്ടിലെ ഒരു വിഭാഗം ബില്‍ഡര്‍മാര്‍ പാക്കിസ്ഥാനില്‍നിന്ന് സിമന്റ് ഇറക്കുമതി ചെയ്യുന്നു. കൊച്ചി തുറമുഖം വഴിയാണ് ഇറക്കുമതി. ആദ്യഘട്ടമായി 20 ടണ്‍ സിമന്റ് വീതമുള്ള 20 കണ്ടെയ്‌നറുകള്‍ കൊച്ചി തുറമുഖത്തെത്തിക്കഴിഞ്ഞു. ഇവ റോഡുമാര്‍ഗം ചെന്നൈയിലേക്ക് കൊണ്ടുപോകും. 50 കിലോ ചാക്കൊന്നിന് ഇറക്കുമതിച്ചെലവും നികുതിയുമുള്‍പ്പെടെ 190 രൂപയാണ് വിലവരുന്നതെന്ന് ബന്ധപ്പെട്ടവര്‍ പറഞ്ഞു. ആഭ്യന്തര സിമന്റ് നിര്‍മാതാക്കള്‍ ഈടാക്കുന്ന 300 രൂപയുമായി താരതമ്യം ചെയ്യുമ്പോള്‍ ഇത് ഏറെ ലാഭകരമാണ്.

ഏറ്റവും കൂടുതല്‍ സ്വകാര്യ സിമന്റ് ഫാക്ടറികളുള്ള തമിഴ്‌നാട് ലോബിയാണ് ദക്ഷിണേന്ത്യന്‍ സംസ്ഥാനങ്ങളിലെ സിമന്റ് വില നിര്‍ണയിക്കുന്നത്. കഴിഞ്ഞ ഒരു മാസത്തിനിടെ 30 ശതമാനം വിലവര്‍ധനയാണ് തമിഴ്‌നാട്ടിലുണ്ടായത്. തമിഴ്‌നാട്ടില്‍നിന്ന് വന്‍തോതില്‍ സിമന്റ് ഇറക്കുമതി ചെയ്യുന്ന കേരളമുള്‍പ്പെടെയുള്ള സംസ്ഥാനങ്ങളിലും ഇതിന് ആനുപാതികമായ വിലവര്‍ധനയുണ്ടായി. അസംസ്‌കൃത വസ്തുക്കളുടെ വിലയിലോ വേതനത്തിലോ ഒരു മാറ്റവും ഉണ്ടായിട്ടില്ലെന്നിരിക്കേ, തികച്ചും അകാരണമായ വിലവര്‍ധന തമിഴ്‌നാട്ടില്‍ കടുത്ത പ്രതിഷേധത്തിന് വഴിവെച്ചിരിക്കുകയാണ്.

സംസ്ഥാനത്തെ 22 ലക്ഷം കുടിലുകള്‍ കോണ്‍ക്രീറ്റ് വീടുകളാക്കി മാറ്റാനുള്ള കലൈജ്ഞര്‍ ഭവനപദ്ധതി പ്രഖ്യാപിച്ചതോടെയാണ് കൊള്ളലാഭമുണ്ടാക്കുകയെന്ന ലക്ഷ്യത്തോടെ സിമന്റ് നിര്‍മാതാക്കള്‍ വില ഉയര്‍ത്തിയത്. തമിഴ്‌നാട് സര്‍ക്കാര്‍ നടപ്പാക്കുന്ന പദ്ധതിയില്‍ പ്രതിവര്‍ഷം മൂന്നു ലക്ഷം കോണ്‍ക്രീറ്റ് വീടുകള്‍ നിര്‍മിക്കുകയാണ് ലക്ഷ്യം. സര്‍ക്കാര്‍ നല്‍കുന്ന ധനസഹായം ഉപയോഗിച്ച് ഉപഭോക്താവാണ് വീട് നിര്‍മിക്കേണ്ടത്. വീടുകളുടെ നിര്‍മാണം തുടങ്ങിയതോടെ സിമന്റിനൊപ്പം ഇഷ്ടിക, കമ്പി തുടങ്ങിയവയുടെയും വില കുതിച്ചുയര്‍ന്നു. കഴിഞ്ഞ മാസം 3.50 രൂപയുണ്ടായിരുന്ന ഇഷ്ടികക്ക് ഇപ്പോള്‍ ഏഴു രൂപയാണ് വില.

ലക്കും ലഗാനുമില്ലാതെ വിലകൂട്ടിയാല്‍ സിമന്റ് ഫാക്ടറികള്‍ സര്‍ക്കാര്‍ ഏറ്റെടുക്കുമെന്ന് മുഖ്യമന്ത്രി കരുണാനിധി നേരത്തേ പ്രഖ്യാപിച്ചിരുന്നെങ്കിലും ഒരു മാസത്തിനിടെ 30 ശതമാനത്തോളം വിലവര്‍ധിപ്പിച്ചിട്ടും തമിഴ്‌നാട് സര്‍ക്കാര്‍ അനങ്ങിയിട്ടില്ല.

കണ്ണൂരിലെ എൽ.ഡി.എഫ് അക്രമം.... എന്താണ് യാഥാര്‍ത്ഥ്യം???

കോണ്‍ഗ്രസ്സുകാരും ലീഗും ബി ജെ പിയും ഒന്നിച്ച് കണ്ണൂരില്‍ തിരഞ്ഞെടുപ്പിടയില്‍ അക്രമത്തിന്നിറങ്ങി. കേന്ദ്രമന്ത്രി മുല്ലപ്പള്ളിയും കുറച്ചു പത്രങ്ങളും ചേര്‍ന്ന് അതിനെ മൊത്തമായി എൽ.ഡി.എഫ് അക്രമം ആക്കി മാറ്റി. യഥാര്‍ഥത്തില്‍ എന്താണ് സംഭവിച്ചതെന്നു നോക്കാം.

1. പയ്യന്നൂർ - യു.ഡി.എഫിന്റെ സ്ഥാനാർത്ഥിയും ഗുണ്ടകളും ചേര്‍ന്ന് എല്‍ ഡി എഫ് ബൂത്ത് ഏജന്റ്മാഅരെ അക്രമിച്ചൂ. വോട്ടിങ്ങ് യന്ത്രം തല്ലിത്തകര്‍ത്തു. ഇത് കളക്ടർ തന്നെ റിപ്പോർട്ട് ചെയ്തിട്ടുണ്ട്.
2. മാട്ടൂൽ - ലീഗുകാർ സ്ഥിരമായി ബൂത്ത് പിടിക്കുന്ന സ്ഥലം. ഇത്തവണയും ലീഗ് ഗുണ്ടകള്‍ അത് ആവർത്തിച്ചു.
3. ഇരിക്കൂർ - ലീഗുകാർ സ്ഥിരമായി ബൂത്ത് പിടിക്കുന്ന സ്ഥലം. ഇത്തവണയും ലീഗ് ഗുണ്ടകളും കോണ്‍ഗ്രസ്സും ചേര്‍ന്ന് അത് ആവർത്തിച്ചു. പോലിസ് ഇവരൂടെ പേരില്‍ കേസ്സ് എടുത്തിട്ടുണ്ട്
4. തില്ലങ്കേരി - ലീഗുകാർ ബാലറ്റ് ബോക്സിൽ എണ്ണ ഒഴിച്ചു. സി.പി.എമ്മുകാരെ വെട്ടി പരിക്കേൽ‌പ്പിച്ചു.
5. പട്ടുവം - യു.ഡി.എഫുകാർ എൽ.ഡി.എഫുകാരെ അടിച്ചോടിച്ചു ബൂത്ത് പിടിച്ചു. ബാലറ്റ്‌പേപ്പറുകളും തട്ടിയെടുത്തു.
   കുത്തക പത്രങ്ങൾക്കും ചാനലുകൾക്കും ഇതൊക്കെ കണ്ണൂരിലെ എൽ.ഡി.എഫ് അക്രമമെന്ന് പാടി നടക്കുന്നു. പരാജയം ഉറപ്പായതോടെ കോണ്‍ഗ്രസ്സുകാരും ലീഗും ബി ജെ പിയും ഇവിടങ്ങളില്‍ അക്രമാസക്തരായിരിക്കുന്നു..